Published: 03-05-2023
(رپورٹ:۔ چوہدری نصیر افضل سے)پنجاب ہائی وے پٹرول کی ماہِ اپریل 2023 کی کارکردگی رپورٹ جاری۔ گذشتہ ماہ صوبہ بھر میں پی ایچ پی نے شاہرات پر بذریعہ ای پولیس پوسٹ ایپ 1209892 افراد اور 450134 گاڑیوں کو چیک کیا۔پنجاب ھائی وے پٹرول نے466 اشتہاری مجرمان کو گرفتار کیا جن میں کیٹگری' اے' کے 31 اشتہاری مجرمان بھی شامل ہیں۔ دورانِ چیکنگ 436 عدالتی مفروران کو بھی گرفتار کیا گیا۔پی ایچ پی نے ماہ اپریل میں 234 چوری شدہ گاڑیاں بھی برآمد کیں جن میں 12 کاریں، 209 موٹر سائیکلیں اور 13 دیگر گاڑیاں شامل ہیں۔ دورانِ سفر مشکلات کے شکار 4479 مسافروں کو مختلف نوعیت کی مدد و راہنمائی فراہم کی۔63 گمشدہ بچوں کو انکے والدین سے ملوایا گیا۔ مختلف حادثات میں مضروب ہونیوا لے 205 افراد کو ابتدائی طبی امداد فراہم کی گئی۔ماہ اپریل میں پی ایچ پی نے ناجائز اسلحہ کے استعمال پر 92 مقدمات کا اندراج کروا کے 06 کلاشنکوف، 25 رائفلیں اور 61 پسٹل برامد کیے۔ منشیات فروشوں سے 937 لیٹر شراب اور 15 کلو گرام سے زائد چرس برآمد کر کے قانونی کاروائی کی گئی۔ ایڈیشنل آئی جی پی ایچ پی عبدالکریم کی افسران وا ہلکاروں کو مزید تندہی کے ساتھ فرائض ادا کرنے کی ہدایت۔شاہرات پر شہریوں کی جان ومال کے تحفظ اور سہولت کیلئے جذبہ خدمت کے تحت فرائض ادا کئے جائیں۔ایڈیشنل آئی جی پی ایچ پی عوام کے جان و مال کا تحفظ اور بے لوث خدمت پی ایچ پی کا نصب العین ہے۔ڈی آئی جی پی ایچ پی ڈاکٹر محمد اطہر وحید
