Published: 28-05-2023
صلالہ: اومان میں جاری جونیئر ایشیاء کپ میں پاکستان اور بھارت کا سنسنی خیز میچ 1-1 گول سے برابر ہوگیا۔میچ کے آغاز سے دونوں ٹیموں نے بہترین کھیل پیش کیا۔ بھارت کی جانب سے 24ویں منٹ میں شردہ نند نے اپنی ٹیم کا واحد گول سکور کیا جس کو پاکستان کی جانب سے 44ویں منٹ میں بشارت علی نے برابر کیا۔ پلیئر آف دی میچ عبدالحنان شاہد قرار پائے۔ٹیم کے ہمراہ منیجر و چیف کوچ اولمپیئن حنیف خان، کوچنگ یینل میں آصف احمد خان، اولمپیئن زیشان اشرف، ٹیم کنسلٹنٹ رویلمنٹ آلٹمنس، ویڈیو انالسٹ سید علی عباس، فزیو تھراپسٹ وقاص محمود موجود ہیں۔ایشیاء جونیئر ہاکی کپ میں شریک ٹیموں کو دو پول میں تقسیم کیا گیا ہے۔ پول اے میں پاکستان، انڈیا، جاپان، تھائی لینڈ، چائینیز تھائی ہے جبکہ پول بی میں کوریا، ملائشیا،عمان، بنگلا دیش اور ازبکستان شامل ہیں۔ پاکستان اپنا چوتھا میچ 29 مئی کو جاپان کے خلاف کھیلے گا۔
