Published: 11-11-2023
ممبئی: ’ٹائیگر3‘ کی ریلیز سے قبل سلمان خان اور کترینہ کیف نے مداحوں کیلئے خصوصی پیغامات جاری کیے ہیں۔ سلمان خان نے سماجی رابطے کی ویب سائٹ ایکس پر مداحوں سے اپیل کرتے ہوئے لکھا کہ ’ٹائیگر3‘ کو بہت لگن سے بنایا گیا ہے اس لئے مداح اس کے اسپائلرز کا تحفظ کریں۔اداکار نے لکھا کہ اسپائیلرز فلم کو دیکھنے کا تجربہ برباد کردیتے ہیں اور لوگوں کو وہ کام کرنا چاہئے جو درست ہو۔دوسری طرف کترینہ کیف نے بھی مداحوں سے اپیل کی کہ ’ٹائیگر3‘ کے پلاٹ میں بہت سارے ٹوئسٹ ہیں جو فلم کو دیکھنے کے قابل بناتے ہیں۔انہوں نے مداحوں سے کہا کہ وہ فلم کے اسپائیلرز کو لوگوں کے سامنے مت لائیں تاکہ ٹیم کی محنت ضائع نہ ہو۔
