Published: 10-01-2024
(رپورٹ:۔ چوہدری نصیر افضل سے)ڈی پی او گجرات سید اسدمظفر کی زیر قیاد ت سرائے عالمگیر سرکل پولیس کا جرائم پیشہ عناصر کے خلاف آپریشن جاری۔ قتل کے جرم میں ملوث 2ملزم اشتہاریوں سمیت 4ملزمان گرفتار، 2عدد پسٹل 30بور برآمد تفصیلات کے مطابق ڈی پی او گجرات سیداسد مظفر کی زیر قیادت گجرات پولیس کا جرائم پیشہ عناصر کے خلاف آپریشن جاری ہے۔ ایس ایچ او تھانہ بولانیSI فہد الرحمن نے اپنی پولیس ٹیم کے ہمراہ کاروائی کرتے ہوئے قتل کی واردات میں ملوث 2 ملزم اشتہاریوں کو گرفتار کر لیا۔ گرفتار ملزمان میں 1۔ نوید 2۔ اشتیاق احمد شامل ہیں۔ ملزمان تھانہ بولانی پولیس قتل کے مقدمہ نمبر111/23میں مطلوب تھے جو واردات کے بعد روپوش ہوگئے تھے۔جن کو تھانہ بولانی پولیس نے پیشہ وارانہ مہارت اور جدید سائنسی ٹیکنالوجی کا استعمال کرتے ہوئے گرفتار کرلیا۔ گرفتار ملزم کی مزید انٹیروگیشن جاری ہے۔جبکہ ایس ایچ او تھانہ سٹی سرائے عالمگیر SI فواد سلیم نے اپنی پولیس ٹیم کے ہمراہ نا جائز اسلحہ برداروں کے خلاف کاروائیاں کرتے ہوئے 2ملزمان کو گرفتار کر لیا۔ گرفتار ملزمان میں 1۔ سلطان 2۔ حنظلہ شامل ہیں۔ ملزمان کے قبضہ سے اسلحہ نا جائز 2عدد پسٹل 30بور برآمد کر لیے گئے۔ ملزمان کے خلاف الگ الگ مقدمات درج کر کے مزید تفتیش کا آغاز کر دیا گیا۔
