Published: 15-01-2024
(رپورٹ:۔ چوہدری نصیر افضل سے)گجرات۔ تھانہ لاری اڈا پولیس کا منشیات فروشوں کے خلاف آپریشن جاری 2 ملزمان گرفتار، اڑھائی کلو سے زائدچرس برآمد۔ تفصیلات کے مطابق ڈی پی او گجرات سید اسد مظفر کی زیر قیادت ضلع بھر میں منشیات فروشوں کے خلا ف آپریشن جاری ہے۔اس سلسلہ میں ایس ایچ او تھانہ لاری اڈا انسپکٹر شیراز احمد نے اپنی ٹیم کے ہمراہ کاروائی کرتے ہوئے 2منشیات فروشوں کو گرفتار کر لیا۔ گرفتار ملزمان میں 1۔ عمر تنویر 2۔عفنان شامل ہیں۔ ملزمان کے قبضہ سے اڑھائی کلو سے زائد چرس برآمد کر لی گئی۔ گرفتار ملزمان کے خلاف الگ الگ مقدمات درج کر کے مزید تفتیش کا آغاز کر دیا گیا۔
