Published: 16-03-2024
کراچی: ایچ بی ایل پی ایس ایل 9 کے ایلیمنٹر ون میں شکست کے بعد ایونٹ سے باہر ہو جانے والی کوئٹہ گلیڈی ایٹرز کے دو کھلاڑیوں ابرار احمد اور سعود شکیل پر ضابطہ اخلاق کی خلاف ورزی پر میچ فیس کا پانچ فیصد جرمانہ عائد کردیا گیا۔نیشنل بینک اسٹیڈیم میں جمعہ کی شب اسلام آباد یونائٹیڈ کے خلاف میچ کے دوران امپائر کی ہدایت کی نافرمانی پر بالر ابرار احمد کو ایچ بی ایل پی ایس ایل کے کوڈ آف کنڈکٹ کے آرٹیکل 2.4 کی خلاف ورزی کرتے ہوئے پایا گیا۔یہ واقعہ اسلام آباد یونائیٹڈ کی بیٹنگ کے 19ویں اوور میں پیش آیا جب فیلڈنگ کے دوران ابرار نے امپائرز کی جانب سے ایسا نہ کرنے کی ہدایت کے باوجود گیند کو پوری طرح گراؤنڈ میں گھما دیا۔اسی میچ کے ایک اور واقعے میں سعود شکیل ایچ بی ایل پی ایس ایل کے کوڈ آف کنڈکٹ کے آرٹیکل 2.5 کی خلاف ورزی کرتے ہوئے پائے گئے۔ یہ قانون زبان، حرکات یا اشاروں کا استعمال جو توہین آمیز ہو یا جو کسی بلے باز کی طرف سے جارحانہ ردعمل کو بھڑکانے سے متعلق ہے۔12ویں اوور میں اسلام آباد یونائیٹڈ کے بیٹرسلمان علی آغا کو آؤٹ کرنے کے بعد سعود سلمان ان کے قریب گئے اور ایسے ریمارکس دیے جو بیٹر کو مشتعل کر سکتے تھے۔ابرار احمد اور سعود شکیل نے الزامات کا اعتراف کیا اور میچ ریفری محمد جاوید کی طرف سے تجویز کردہ پابندیوں کو قبول کیا، یہ الزامات آن فیلڈ امپائرز احسن رضا اور کرس گیفانی نے عائد کیے تھے۔
