Published: 02-05-2024
انٹرنیشنل کرکٹ کونسل (آئی سی سی) نے ٹی ٹوئنٹی پلیئرز کی رینکنگ جاری کردی۔ٹی ٹوئنٹی میں بیٹرز کی رینکنگ میں بھارت کے سوریا کمار یادیو کی پہلی پوزیشن برقرار ہے جبکہ انگلینڈ کے فل سالٹ کا دوسرا نمبر اور پاکستان کے محمد رضوان تیسرے نمبر پر موجود ہیں۔کپتان بابر اعظم ایک درجے ترقی کے بعد چوتھے نمبر پر آگئے، ساؤتھ افریقہ کے ایڈن مارکرم پانچویں نمبر پر چلے گئے۔ نیوزی لینڈ کے ٹم سیفرٹ سات درجے ترقی کے بعد 18 ویں نمبر آگئے۔ٹی ٹوئنٹی بولرز میں انگلینڈ کے عادل رشید کا پہلا نمبر، پاکستان کے شاہین آفریدی تین درجے ترقی کے بعد 14 ویں نمبر پر آگئے، نیوزی لینڈ کے مائیکل بریسویل 13 درجے ترقی کے بعد 55 ویں نمبر پر آگئے۔ٹی ٹوئنٹی آل راؤنڈرز میں بنگلہ دیش کے شکیب الحسن کا پہلا نمبر جبکہ پاکستان کے شاداب خان کا رینکنگ میں 10 واں نمبر ہے۔
