Published: 08-05-2024
پاکستان شوبز انڈسٹری کی اداکارہ انوشے عباسی کو اپنی تازہ بولڈ تصاویر کو ذو معنی کیپشن کے ساتھ شیئر کرنے پر ایک بار پھر تنقید کا سامنا ہے۔انوشے عباسی نے انسٹاگرام پر اپنی متعدد تصاویر شیئر کیں، جن میں انہیں خوبصورت بولڈ لباس میں دیکھا جا سکتا ہے۔اداکارہ نے تصاویر میں گلابی ٹی شرٹ اور جینز کی پینٹ پہن رکھی ہے جب کہ بعض تصاویر میں آئینے کے سامنے اپنی سیلفیاں لیتی بھی دکھائی دیں۔اداکارہ نے تصاویر کو شیئر کرتے ہوئے ذو معنی کیپشن لکھا کہ انہیں اسٹرابیری فلیور کے ساتھ دودھ پسند ہے۔اداکارہ کی جانب سے ذو معنی کیپشن لکھے جانے اور بولڈ لباس پہننے پر صارفین نے انہیں آڑے ہاتھوں لیا اور انہیں شرم دلانے کی کوشش کی۔انوشے عباسی کی مذکورہ تصاویر وائرل ہوگئیں اور دوسرے شوبز سوشل میڈیا پیجز کی جانب سے بھی شیئر کی گئیں، جہاں صارفین نے اداکارہ کو لباس اور کیپشن پر آڑے ہاتھوں لیا۔
