Published: 14-06-2024
ٹی ٹوئنٹی ورلڈکپ 2024 کے 27ویں میچ میں بنگلادیش نے نیدرلینڈز کو 25 رنز سے شکست دے دی۔ اس میچ کے نتیجے کے ساتھ ہی سری لنکا کی ٹیم ایونٹ میں سپر 8 مرحلے کی دوڑ سے باہر ہوگئی۔ بنگلادیش کی جانب سے دیے گئے 160 رنز کے ہدف کے تعاقب میں نیدرلینڈز کی ٹیم 8 وکٹوں پر 134 رنز بناسکی۔ سائبرینڈ اینگلبریچٹ 33 رنز بنا کر نمایاں رہے۔ وکرم جیت سنگھ نے 26، کپتان اسکاٹ ایڈورڈ نے 25، مائیکل لیفٹ نے 18 اور میکس او ڈاؤڈ نے 12 رنز بنائے جبکہ آریان دت 15 رنز بنا کر ناقابلِ شکست رہے۔ بنگلادیش کی جانب سے رشد حسین نے 3 کھلاڑیوں کو آؤٹ کیا۔ تسکین احمد نے دو جبکہ مستفیض الرحمان، تنزید حسن اور محمود اللہ نے ایک ایک وکٹ لی۔کنگسٹن میں کھیلے جانے والے اس میچ میں نیدرلینڈز نے ٹاس جیت کر بنگلادیشن کو پہلے بیٹنگ کی دعوت دی۔ بنگال ٹائیگرز نے مقررہ 20 اوورز میں 5 وکٹوں کے نقصان پر 159 کا ہندسہ بورڈ پر سجادیا۔ اسٹار آل راؤنڈر شکیب الحسن نے ناقابلِ شکست 64 رنز کی اننگز کھیلی۔ تنزید حسن نے 35 اور محمود اللہ نے 25 رنز بنائے جبکہ ذاکر علی 14 رنز بنا کر ناقابلِ شکست رہے۔ نیدرلینڈز کی جانب سے آریان دت اور پال وین میکیرن نے دو دو جبکہ ٹم پرنگل نے ایک وکٹ لی۔عمدہ بیٹنگ پرفارمنس پر شکیب الحسن کو میچ کا بہترین کھلاڑی قرار دیا گیا۔ بنگلادیش کی جیت کے ساتھ ہی سری لنکا کی ٹیم سپر ایٹ مرحلے کی دوڑ سے باہر ہوگئی۔
