Published: 22-10-2024
نامور بھارتی اداکارہ کریتی سینن نے اعتراف کیا ہے کہ انہیں ٹائیگر شیروف کی ہیروئن بن کر پریشانی کا سامنا کرنا پڑا اور ٹائیگر کی ہیروئن کا ٹیگ ہٹانے میں برسوں لگ گئے۔خوبرو اداکارہ کریتی سینن نے بھارتی فلم نگری میں ایک دہائی مکمل کرلی۔ فلم ہیروپنتی سے فلمی کیریئر کا آغاز کرنے والی کریتی نے اپنی اداکاری سے مداحوں کی تعداد میں دن بدن اضافہ کیا۔تاہم اپنے ایک حالیہ انٹرویو کے دوران کریتی کا کہنا تھا کہ انہیں ابتدائی دنوں میں کس طرح صرف ٹائیگر شروف کی ہیروئن قرار دیا جاتا ہے۔انکا کہنا تھا کہ مجھے اپنے فلم کامیاب بنانے میں زیادہ وقت نہیں لگا۔ہیروپنتی کے وقت، اگرچہ لوگ ٹائیگر کو جانتے تھے لیکن ڈائریکٹر اور پروڈیوسر نے فلم کو دو نئے چہروں کو لانچ کرنے کے طور پر رکھا۔ لہٰذا مجھے گانے اور پرفارمنس کے ساتھ بالی ووڈ کی بہترین ہیروئن بننے کا موقع ملا۔کریتی کا کہنا تھا کہ کچھ عرصے بعد ہی لوگ مجھے دیکھ کر کہتے تھے کہ ’یہ وہی ہے جو ٹائیگر کی فلم میں آئی تھی۔‘اپنی بات جاری رکھتے ہوئے کریتی کا کہنا تھا کہ اگر آپ فلمی گرانے سے نہ ہوں تو اپنے نام اور چہرہ لوگوں کی ذہنوں میں نقش کرنے کیلئے آپ کو وقت لگتا ہے۔انہوں نے کہا کہ ایسے میں فلم بریلی کی برفی کے ڈائریکٹر ایشونی آئیر تیواڑی کے بچے تو مجھے ’ٹائیگر دی دی‘ کہہ کر پکارتے تھے۔ لہٰذا اس وقت مجھے احساس ہوا کہ مجھے، اپنی پہنچان لوگوں میں اس طرح بنانے میں جس طرح میں ہوں، دگنی محنت کرنی ہوگی۔ خیال رہے کہ کریتی سینن فلم دل والے، رابطہ، بریلی کی برفی، کریو اور تیری باتوں میں ایسا الجھا جیا میں جلوہ گر ہوچکی ہیں۔
