جاری بد نام زمانہ منشیات فروش عبدالرحمن عرف ماناسکنہ شیخ پور گرفتار‘کلوسے زائدہیروئن برآمد

Published: 08-12-2024

گجرات (چوہدری نصیر افضل سے)ڈی پی او گجرات ڈاکٹر مستنصر عطاء باجوہ کی زیرقیادت پولیس کا منشیات فروشوں کے خلاف آپریشن جاری بد نام زمانہ منشیات فروش عبدالرحمن عرف ماناسکنہ شیخ پور گرفتار، کلوسے زائدہیروئن برآمد‘ تفصیلات کے مطابق وزیراعلیٰ پنجاب مریم نواز شریف کے ویژن ڈرگ فری مہم کے تحت ڈی پی او گجرات ڈاکٹر مستنصر عطاء باجوہ کی زیر قیادت گجرات پولیس کی منشیات فروشوں کے خلاف کاروائیاں جاری ہیں۔ اس سلسلہ میں ڈی ایس پی لالہ موسیٰ سرکل محمد اکرم کی سربراہی میں تھانہ صدر گجرات پولیس ٹیم نے منشیات فروشوں کے خلاف کاروائی کرتے ہوئے بدنام زمانہ منشیات فروش عبدالرحمن عرف مانا ولد محمد انورقوم انصاری سکنہ شیخ پور کو خصوصی آپریشن کے دوران رنگے ہاتھوں گرفتار کر لیا۔ گرفتار ملزم کے قبضہ سے 1کلوسے زائد ہیروئن برآمد کر لی گئی۔ملزم کے خلاف مقدمہ درج کر کے مزید تفتیش کا آغاز کر دیا گیا ہے۔