Published: 29-01-2023
(رپورٹ:۔ چوہدری نصیر افضل سے)پیرودھائی کے علاقہ میں تین ڈاکوؤں کی پولیس پارٹی پر فائرنگ، فائرنگ کے تبادلے کے دوران ایک ڈاکو ہلاک، دو ڈاکو فائرنگ کرتے ہوئے فرار، ہلاک ڈاکو کی شناخت سراج کے نام سے ہوئی، پسٹل اور گولیاں برآمد، ہلاک ڈاکو نیوٹاؤن، صادق آباد، پیرودھائی، بنی کے رابری اور سنیچنگ کے 20 سے زائد مقدمات میں ریکارڈ یافتہ ہے، واقعہ کی اطلاع پر ایس پی راول ماہم خان، ڈی ایس پی اظہر شاہ پولیس نفری کے ہمراہ موقع پر پہنچ گئے، موقع سے شواہد اکٹھے کئے جا رہے ہیں، نعش کو ہسپتال منتقل کیا جا رہا ہے، ابتدائی اطلاعات کے مطابق شہری کی اطلاع پر پولیس پارٹی موقع پر پہنچی تو ڈاکوؤں نے دیکھتے ہی فائرنگ شروع کر دی،ڈاکؤوں کی فائرنگ کے باوجود دلیری سے مقابلہ کرنے پر سی پی او سید شہزاد ندیم بخاری کی ایس پی راول اور پیرودھائی پولیس کو شاباش، شہریوں کی جان و مال کی حفاظت اولین ترجیح ہے جس کے لئے کسی قربانی سے دریغ نہیں کیا جائے گا، سی پی او سید شہزاد ندیم بخاری
