Published: 16-04-2023
لاہور: قومی کرکٹ ٹیم کے کپتان بابر اعظم ٹی ٹوئنٹی انٹرنیشنل میں تین سینچریاں اسکور کرنے والے پہلے کپتان بن گئے۔بابر اعظم نے یہ کارنامہ نیوزی لینڈ کے خلاف قذافی اسٹیڈیم لاہور میں کھیلے جانے والے ٹی ٹوئنٹی سیریز کے دوسرے میچ میں انجام دیا۔بابر اعظم نے اننگ کی آخری گیند پر چوکا مار کر اپنی تیسری سینچری مکمل کی۔ انہوں نے تین چھکوں اور 11 چوکوں کی مدد سے 58 گیندوں پر 101 رنز کی ناقابلِ شکست اننگ کھیلی۔بھارت کے روہت شرما اور سوئٹزرلینڈ کے فہیم نذیر بطور کپتان دو، دو سینچریاں اسکور کر چکے ہیں۔
