Published: 20-04-2023
قومی کرکٹ ٹیم کے آل راؤنڈر شعیب ملک نے بابراعظم کو کپتانی چھوڑنے کا مشورہ دیدیا۔نجی ٹی وی چینل کو دیئے گئے انٹرویو میں آل راؤنڈر شعیب ملک نے کہا کہ بابراعظم کو قومی ٹیم کی قیادت چھوڑ دینی چاہیے، ہمارے کلچر میں فوری طور پر نتائج حاصل کرنے پر توجہ رہتی ہے۔انہوں نے کہا کہ بابراعظم بیٹنگ اور کپتانی میں بہتری کے شعبوں سے گزر رہے ہیں، بابراعظم کو مشورہ ہے کہ وہ ٹیم کی قیادت چھوڑ دیں۔سابق کپتان شعیب ملک نے کہا کہ بابر کی کپتانی اور بیٹنگ اہلیت دو علیحدہ باتیں ہیں، انہیں قیادت کے بجائے بیٹنگ پر فوکس کرنے کا سوچنا چاہیے۔
