Published: 05-07-2023
قومی کرکٹ ٹیم کے سابق کپتان اور چیف سلیکٹر شاہد آفریدی کا کہنا ہے کہ بھارت میں شیڈول ورلڈکپ 2023 میں مجھے عمر اکمل کی جگہ نہیں نظر آتی۔مقامی ٹی وی چینل کو دیئے گئے انٹرویو میں سابق کپتان شاہد آفریدی نے مڈل آرڈر بیٹر عمر اکمل سے متعلق پوچھے گئے سوال پر کہا کہ وہ میرے پسندیدہ کھلاڑیوں میں رہا ہے لیکن اُس نے اپنی فٹنس پر دھیان نہیں دیا۔انہوں نے کہا کہ قومی ٹیم میں اسوقت عمر اکمل کی شمولیت کے حوالے سے میری سپورٹ نہیں، انہیں دیگر پلئیرز کے مقابلے اپنی فٹنس پر بہت کام کرنے کی ضرورت ہے۔شاہد آفریدی نے آئی ایم ایف جان چھڑانے کے سوال کا بھی جواب دیتے ہوئے کہا کہ ہمارے منسٹرز کو پروٹوکولز اور لوازمات ختم کریں، ہمیں کسی کے پاس جانے کی ضرورت ہی نہیں پڑے گی، بلوچستان کو تھوڑا پاؤں پر کھڑا کرنا ہوگا جس کے بعد دنیا ہم سے مدد مانگے گی۔
