Published: 11-07-2023
ممبئی: بالی وڈ کے لیجنڈری اداکار امیتابھ بچن نے اپنی نئی میگا فلم ’پروجیکٹ کے‘ کی خصوصی جیکٹ کے ساتھ رہائش گاہ ’جلسہ‘ کے باہر مداحوں سے ملاقات کی ہے۔ انسٹاگرام پر اداکار نے مداحوں سے ملاقات کی ویڈیو شیئر کی ہے جس میں دیکھا جاسکتا ہے اداکار کی ایک جھلک دیکھنے کیلئے مداحوں کی کثیر تعداد ان کے گھر کے باہر موجود ہے۔ویڈیو میں دیکھا جاسکتا ہے اداکار نے مداحوں سے ملنے کیلئے کپڑوں کا کوئی خاص اہتمام نہیں کیا البتہ انہوں نے اپنی نئی فلم ’پروجیکٹ کے‘ کی جیکٹ پہنی ہوئی ہے۔80 سالہ امیتابھ بچن نے اپنی ویڈیو کے ساتھ ایک مختصر سا کیپشن بھی لکھا جس میں انہوں مداحوں کا شکریہ ادا کیا ہے کہ وہ ان کو ملنے کیلئے ’جلسہ‘ آتے ہیں۔اداکار نے اس قبل پوسٹ میں ایک پیغام لکھا تھا جس میں انہوں نے بلاگنگ ویب سائٹ ٹمبلر پر 11 برس تک لکھنے کا سنگ میل عبور کرنے پر اپنے تاثرات کا اظہار کیا تھا۔بالی وڈ کی مہنگی ترین فلم ’پروجیکٹ کے‘ 2024 میں ریلیز ہوگی اور اس میں دیپیکا پڈوکون اور پرابھاس بھی بگ بی کے ساتھ ایکشن میں نظر آئیں گے۔
