Published: 17-11-2024
جھنگ(چوہدری بلال خان بیوروچیف)جھنگ / پولیس مقابلہ موچیوالا کے علاقہ ' وجھلانہ موڑ' کے قریب دو موٹر سائیکل سوار مشکوک افراد کو ناکے پہ روکا گیا گرفتاری کے خوف سے گھبراکر مشکوک ملزمان پولیس پر اندھا دھند فائرنگ کرتے ہوئے کماد کی فصل میں چھپ گئے۔ساتھی ملزم کی اندھا دھند فائرنگ کے زد میں آ کر ایک ملزم زخمی ہو گیا، جسے گرفتار کر لیا گیا ہے۔گرفتار ملزم کی شناخت محمد احمد ولد جہانگیر قوم سنپال سکنہ مدوکی کے نام سے ہوئی ہے جو رابری کی واردات میں مطلوب تھا۔ معلومات کے مطابق ملزم محمد احمد ساتھی ملزم محسن ولد اقبال قوم وجھلانہ سکنہ چک نمبر 260 کی اندھا دھند فائرنگ سے زخمی ہوا مضروب ملزم کو ہسپتال منتقل کردیا گیا ہے جبکہ بقیہ ملزم کی گرفتاری کیلئے پولیس کی بھاری نفری کا سرچ آپریشن جاری ہے رابری کی واردات کے دوران چھینی گئی موٹر سائیکل اور ایک پسٹل بھی برآمد کر لیا گیا ہے۔
