Published: 20-04-2023
(رپورٹ:۔ چوہدری نصیر افضل سے)راولپنڈی: کوٹلی ستیاں پولیس کی موثر کاروائی،گھروں میں ڈکیتی کی وارداتیں کرنے والے کمانڈو گینگ کے 04اشتہاری مجرمان گرفتار،اشتہاری مجرمان سے مسروقہ رقم12لاکھ 50ہزار روپے، زیورات مالیتی 03لاکھ روپے اوروارداتوں میں استعمال ہونے والا اسلحہ برآمد۔تفصیلات کے مطابق کوٹلی ستیاں پولیس نے کاروائی کرتے ہوئے گھروں میں ڈکیتی کی وارداتیں کرنے والے کمانڈو گینگ کے 04اشتہاری مجرمان کو گرفتارکرلیا، گرفتار اشتہاری مجرمان میں کمانڈو گینگ کا سرغنہ علی کیپٹن عرف کمانڈو، ظریف طالب،نعمان لطیف اورمحمد فیصل شامل ہیں،اشتہاری مجرمان سے مسروقہ رقم 12لاکھ 50ہزار روپے، زیورات مالیتی 03لاکھ روپے اوروارداتوں میں استعمال ہونے والا اسلحہ برآمد ہوا،ایس ایچ اونے بتایاکہ اشتہاری مجرمان کے 03ساتھی قبل ازیں گرفتار ہوکر چالان کیے جاچکے ہیں، ایس پی صدر محمد نبیل کھوکھر نے کوٹلی ستیاں پولیس کو شاباش دیتے ہوئے کہاکہ گرفتار اشتہاری مجرمان کو ٹھوس شواہد کے ساتھ چالان عدالت کرکے قرار واقعی سزاد لوائی جائے گی،سنگین مقدمات میں ملوث اشتہاری مجرمان کی گرفتار ی کے لیے تمام وسائل بروئے کار لائے جارہے ہیں۔
